सरोकारवाला निकायले समयमै ध्यान नदिए थप संकट उत्पन्न हुने‘धेरै बालबालिकाको आमा बुवा पनि नभएका होइनन् तर आमा बुवालाई नै रेखदेख गर्ने अर्को मानिसको आवश्यकता परेपछि बाल बच्चालाई कसले हेर्ने ? धेरै बालबालिकाको त अभिभावक नै छैनन् । के गर्नु जन्माएर छाडेर बेपत्ता भएपछि’, भूटानी शरणार्थी शिविरमा जोखिम रहेका बालबालिकाको क्षमता अभिबृद्धिमा कार्यारत बाल मञ्चकी सहायक कोअर्डिनेटर सुनिता गुरुङ्गले दुखेसो पोखिन् ।
भूटानी शरणार्थी शिविरमा संकटपूर्ण अवस्थामा रहेका बालबालिकाको संख्या पछिल्लो समयको तथ्याङ्कअनुसार १५ सयको हाराहारीमा रहेको बाल मञ्च अन्तर्गत संकटपूर्ण अवस्थामा रहेका बालबालिकाको रेखदेख गर्ने निकाय भुटानी शरणार्थी बाल मञ्चले जानकारी दिएको छ ।